Vinnumálastofnun byrjaði að vera gríðarlega erfið uppúr því að ég hætti vinnu hjá Þ.Í.. Á næstu tveimur árum þurfti ég að þola tekjuskerðingar frá þeim út af ýmsum ástæðum upp á rúmar 700 þús kr. Sumar af þessum ástæðum eru kolólöglegar og sannanleg brot á mínum réttindum sem ég lista hér.


Utanlandsferðin

Þau rangtúlka lagagreinar til að svipta fólki bótum fyrir að vera boðið í utanlandsferðir

Í júní 2011. keypti móðir mín farmiða fyrir okkur með nokkura daga fyrirvara án þess að spurja mig. Ég gat ekki neitað því og fór úr landi 9. jún og kom til baka 23. jún. Ég tilkynnti þetta ekki til vinnumálastofnunar því að mér datt það einfaldlega ekki í hug, enda leit ég ekki á þessa ferð sem einhverskonar breytingu á mínum atvinnumálum, hvað þá sem breitingar á högum sem er það sem lögin fjalla um. Það var hægt að ná í mig allan tímann þar sem ég tók símann með mér og einnig tók ég þátt í virkri atvinnuleit á meðan ég var þar.

Ég vil undirstrika hér áður en áfram er haldið það eru engin lög sem banna á nokkurn hátt utanlandsferðir eða atvinnuleit í útlöndum. Vinnumálastofnun er meira að segja þekkt fyrir að veita fólki styrki fyrir utanlandsferðir séu þær sérstaklega undir formerkjum atvinnuúrræða.

Þann 8. júlí var síðan auðvitað haft samband og farið fram á að ég útskýri fjarveru mína í útlöndum.

08.07.2011
Mynd af bréfi frá vmst þar sem mér er gert að útskýra fjarveru mína erlendis.
Ég skoðaði lögin og fann ekkert lagalegt að þessari ferð minni. Ég reyndi auðvitað að koma því á framfæri, ásamt því að fá að vita hvaða upplýsingaheimild þeir notuðu.

15.07.2011
Mynd af svari til vmst vegna fjarveru minnar erlendis.
Í stað þess að svara mér þá sentu þeir aðeins ítrekun á því að ég ætti að skila inn afriti af farseðlum til að sanna fjarveru mína auðvitað. Ég skilaði inn afriti og var sviptur bótum í 3 mánuði.

Þegar ég komst að því að það var búið að svipta mig bótum þá skrifaði ég harðorðara bréf sem stafaði út hvaða lög þau væru að brjóta og rangsnúa og fékk ég aldrei svar við því.

03.08.2011
Harðorðað bréf til vmst stafandi út þeirra lögbrot eftir að þeir sviptu mig bótum fyrir utanlandsferð.
Ég endurtek að ég fékk aldrei svar við þessu bréfi.


Námsstyrkurinn

Þau veittu mér námstyrk, tóku hann til baka og skildu mig eftir tekjulausan í námi

Í júni 2011 var mér einnig boðið að fara í nám með Liðstyrk á vegum Vinnumálastofnunar. Ég ákvað að grípa tækifærið til að ljúka mínu námi í tölvufræðum hjá Háskála Reykjavíkur.

En út af þessu utanlandsferðarmáli var ég sviptur bótum á sama tíma og námið byrjaði. Ég vek athygli á að í stað þess að svipta mig bótum strax næstu mánaðarmót eins og þau gera yfirleitt þá drógu þau það í 1 til 2 mánuði. Þessi seinkun er augljós aðför að minni tilraun til að hefja nám með að gera mig tekjulausan yfir alla önnina.

Námið hófst hjá Háskóla Reykjavíkur í september og þurfti ég að lýða nær algeran auraskort og sult í 3 mánuði. Reyndar fékk ég smá aðstoð frá félagsmálastofnun upp á 198 þús yfir þessa 3 mánuði.

Í desember 2011 klára ég önnina hjá Háskóla Reykjavíkur, þrátt fyrir þessar raunir, og fékk í framhaldi námslán frá LÍN en var algerlega ófær um að halda námi áfram sökum heilsubrests. Þessi aðför hafði svo lamandi áhrif á mig að ég hreinlega gleimdi að sækja um nám fyrir næstu önn og fattaði það ekki fyrr en nám var hafið.

Sökum þess missti ég aftur bótarétt hjá vmst og í þetta skiptið í 2 mánuði. Ég gat auðvitað ekki bakfært lánið svo ég sat uppi með að endurgreiða það valdandi frekari tekjuskerðingum á mínum bótum. Félagsmálastofnun lét mig þó hafa 39 þús kr í apríl.

Síðar viðurkenna þeir að hafa notað upplýsingar um notkun mína á vefsíðu þeirra (vmst.is) sem upplýsingaheimild fyrir því að ég hafi verið í útlöndum, þ.e. þeir nota virka atvinnuleit sem réttlætingu fyrir að rangtúlka lög og valda mér verlferðarmissi!

Með þessum aðförum brutu aðkomandi aðilar greinilega almenn hegningarlög um velferðarmissi sem eru glæpir er varða allt að 16 ára fangelsisdóma, sem sagt glæpir sem eru settir í samskonar refsiflokk og morð.


Reynt að hafa samband við lagadeild vmst

Mæti algeru aðgerðarleysi á mínum málum frá lagadeild vmst

Síðan reyndi ég að ná sambandi við Unnur Sverrisdóttir hjá lagadeild vmst þar sem ég lýsti ýtarlega sögunni í hring um þessa valdnýðslu sem ég var að lýða.
En þegar ég skrifaði þetta bréf þá var ég kominn með dældir í kinnarnar eftir að hafa borðað einungis brauð í öll mál í marga mánuði og búinn að hraka gríðarlega í heilsu horfandi fram á ennþá frekari hrökun.
02.11.2011
Bréf til lögfræðideildar vmst út af grófri valdnýðslu af hendi framkvæmdarvaldsins.
Hún svaraði aldrei og reyndi ég aftur að senda bréfið 2 vikum seinna. Aftur var engu svarað. Að lokum reyndi ég í 3. skiptið 19. jún og engu svarað. Sem sagt, algert aðgerðarleysi...

Fölsun á viðtalstíma notað til að svipta mig bótum

Vinnumálastofnun falsar boðun í viðtal og heldur því fram að ég hafi ekki mætt í það

Í byrjun maí reyndi ég í örvæntingu minni að senda email til allra sem ég þekki með viðhengi af Facebook veggnum mínum sem sýndi eitthvað af því sem var að gerast hjá mér en vil ekki sýna það hér þar sem það sýnir helling af samskiptum við óviðkomandi fólk.

Nokkrum dögum seinna fæ ég bréf frá vmst um að ég hafi ekki mætt í eitthvað viðtal sem ég vissi ekki um en þeir létu mig þó fá heilar 18 þús kr til að lifa af allan mánuðinn eftir að taka rúm 80% af bótunum.

08.05.2012
Afrit af bréfi frá vmst, tilkynnt um bótamissi út af viðtalsboðun eftir á.jpg.
Ég vek athygli á að bréfið er dagsett 2. maí sem er samdægurs greiðslunni og viðtalinu! Þ.e. viðtalið átti að vera 2. maí, bréfið er prentað út 2. maí og bæturnar hjá mér eru greiddar 2. maí með skerðingum! Ef þetta er ekki sönnun um fölsun á boðun í viðtal og tilbúnum bótaskerðingum þá veit ég ekki hvað. Þetta á sérstaklega við þegar haft er í huga að bæturnar eru alltaf greiddar snemma á morgnanna, og útreikningur á þeim getur tekið allt að 5 daga samkvæmt vmst, og felur í sér samskipti og samhæfingu á upplýsingum milli landshluta og stofnana, og þessu tilviki flutning á upplýsingum frá skrifstofu höfuðborgarsvæðisins til greiðslustofu á Skagaströnd..

Ég svara þessu bréfi með staðhæfinum um að vera ofsóttur og lagður í einelti af mafíu. Einnig sendi ég þeim síðasta bréf til lögfræðideildar sem viðhengi og spyr af hverju þau svara því ekki.

Þau svara mér aldrei...


Hvað verður svo um allt þetta fé sem er tekið frá bótaþegum?

Reynt að rannsaka mögulegt misræmi milli bóta greiddra til vmst og bóta greidda til bótaþega

Næst ákvað ég að reyna að vekja athygli á spurningu sem ég var byrjaður að spyrja mig eftir allar tekjuskerðingarnar. Þ.e. hvort það sé eitthvað misræmi milli bóta greddra úr Ríkissjóð til vmst og bóta greiddra til bótaþega, og hvort það sé eitthvað annað í gangi heldur en réttmæt meðhöndlun á opinberu fé.

19.06.2012
Fyrirspurn send til Ríkisendurskoðanda varðandi mögulegs misræmis milli bóta greiddra til vmst og bóta greidda til bótaþega.
Þessari fyrirspurn var aldrei svarað en ég reyndi aftur 14. sep 2015 og fékk þá svar um að ekki væri hægt að svara þessu með stuttum fyrirvara en að þetta væri tekið til skoðunar næst þegar greiðslur atvinnuleysisbóta væru endurskoðaðar.

17.09.2015
Svar við fyrirspurn til Ríkisendurskoðanda varðandi mögulegs misræmis milli bóta greiddra til vmst og bóta greidda til bótaþega.

Misst af 6 mánaða framlengingu á bótum

Rangfærslur og seinagangur kosta mig rétt til 6 mánaða framlengingar í bótatímabili

Í janúar 2014 lauk bótatímabili mínu, bókstaflega 10 dögum eftir að bráðabirðalög frá Alþingi runnu út sem heimiluðu 6 mánaða framlengingu á bótatímabili manna. Ég fór auðvitað að skoða þetta og komst að því að tafir í afgreiðslu á mínum bótum höfðu valdið því að mitt bótatímabil rann út 10 jan í stað þess að renna út í desember 2013. Í kjölfarið senti ég kvörtun til Vinnumálastofnunar vegna ótímabærrar sviftingar á bótum.

20.02.2014
Kvörtun send til vmst vegna ótímabærrar sviftingar á bótum.
Þann 26. feb fékk ég svar frá vmst þar sem út voru listuð bótatímabil ásamt tímabilum sem voru ekki greidd út af viðurlögum og vinnumarkaðsaðgerðum. Ég reyndi að fá þetta leiðrétt þar sem ég taldi að bótatímabilin í hring um spítalavist mína hafi verið röng, ég var tekinn af bótum 5 dögum áður en ég fór á spítala og komst ekki á bætur fyrr en 18 dögum eftir að ég útskrifaðist út af seinagangi í úthlutun vottorða.

Hann heldur því fram að ég hafi átt að mæta í viðtal daginn áður en ég fór á spítala og þess vegna hafi ég verið sviptur í þessa 5 daga. Einnig hélt hann því fram að ég hafi ekki látið vita að ég væri veikur þegar ég var afskráður í október, sem er rétt að því leiti að ég viðurkenndi aldrei nein veikindi og mun aldrei gera, en ég lét þá vita að ég hafði verið handtekinn og nauðungarvistaður.


Reynt að kæra vinnumálastofnun til Persónuverndar

Það kom í ljós að það var ólöglegt hjá vmst að neita að upplýsa mig um hvaða upplýsingarheimild var notuð til að álikta að ég hafi verið í útlöndum

Í apríl 2015 sá ég í fréttum að dæmt hafði verið gegn Tryggingastofnun Ríkisins fyrir að hylja upplýsingaheimildir sem væru notaðar gegn bótaþegum. Stökk ég á tækifærið og senti enn eina ferðina bréf til lagadeildar vinnumálastofnunar þar sem ég fór eina ferðina enn fram á að þau upplýstu mig um hvaða heimild var notuð til að réttlæta ólöglegar sviptingar á bótarétti árið 2011.

06.04.2015
Reynt aftur að hafa aftur samband við lagadeild vmst eftir dóm gegn TR.
Vinnumálastofnun svaraði mér þá loksins og hélt því fram að þau hafi notað IP tölu til að staðsetja mig. Einnig rangtúlkuðu þau aftur grein í lögum um atvinnuleysistrygginar sem segir að maður þurfi að vera staddur á landinu þegar maður skráir sig hjá vmst. Einnig viðurkenna þau að hafa fellt niður bótarétt minn þegar lög segja skýrt að þau meiga aðeins leiðrétta ofgreiðslur með að skerða greiðslur um allt að 25%.

13.04.2015
svarbréf frá vmst út af utanlandsferðarmálinu.
Lögreglan taldi að ekki væri um sakamál að ræða þó að hér sé greinilega um valdnýðslu að ræða og Umboðsmaður Alþingis svaraði engu.

En þann 14. júl fékk ég hinsvegar viðbragð frá Persónuvernd þar sem þeir fara fram á að ég útskýri betur brot vmst gegn mér. Ég svara með eftirfarandi bréfi þar sem ég lista frekar að hvaða leiti þeir brutu lög um persónuvernd.

20.07.2015
20150720 Svar til persónuverndar út af vmst.
Þetta mál er ennþá í vinnslu...

Story Tags